Տեղեկատվական շրջագայություն Գերմանիայում՝ PERI-ի տեխնոլոգիական առավելություններին ծանոթանալու համար

Դեկտեմբերի 13-15-ը Citadel ընկերությունը PERI ընկերության հրավերով կազմակերպել է հերթական տեղեկատվական շրջագայությունը Գերմանիայում։

Այցին մասնակցում էին նաև  «Citadeli Sakartvelo» -ի («Citadel Georgia») և գործընկեր «Citadeli Somkheti»( «Citadel Armenia») շինարարական և զարգացման ընկերության ներկայացուցիչները։

Ավանդաբար միջոցառման առաջին մասը սկսվեց PERI-ի գլխավոր գրասենյակ այցելությամբ, ապա հյուրերը շրջեցին ցուցահանդեսային տարածքով:

Ինչ վերաբերում է եզրափակիչ մասին, ապա այն տեղի ունեցավ PERI գործարանում, որտեղ այցելուները ծանոթացան PERI-ի աշխատանքային գործընթացին և տեխնոլոգիական առավելություններին։

«Բավականին ճանաչողական և բովանդակալից շրջայց էր, մենք հնարավորություն ունեցանք անմիջապես մեր գերմանացի գործընկերներից ստանալ խորհուրդներ և առաջարկություններ: PERI-ի նորույթներին և ողջ տեսականուն ծանոթացանք տեղում; Ես իսկապես հուսով եմ, որ մենք մեր շինհրապարակներում կտեղափոխենք և կիրականացնենք այն նորամուծությունները, որոնց ծանոթացել ենք Գերմանիայում»,- ասել է Unix Development-ի գլխավոր ինժեներ Բեկա Հարթիշվիլին։

«Գումբաթի Դժգուֆի» ընկերության նախագծերի ղեկավար Զուրա Դավիթաձեն նույնպես կիսվել է իր գնահատականով. «Բավականին հետաքրքիր այց էր, մենք ծանոթացանք ընկերության նոր արտադրանքին։ Ինձ համար հետաքրքիր բացահայտումներից մեկը PERI փայտամած համակարգերի բազմակողմանիությունն էր»:

Գերմանիայի PERI գործարան այցելությանը մասնակցել են նաև «Anagi Development», «Unix Development»,  «Gumbati Jgufi», «AYGEDZOR» և «ORD DEVELOPMENT» ընկերությունների ներկայացուցիչները։

Ցանկանում ենք հիշեցնել, որ Citadel-ը մշտապես կազմակերպում է նմանատիպ միջոցառումներ՝ PERI-ի տեխնոլոգիական և նորարարական առավելություններն ընդգծող ողջ տեղեկատվությունը տեղական ընկերություններին ավելի հասանելի դարձնելու համար: