Լուսավորության կարևորությունը ինտերիերի ձևավորման մեջ
Լուսավորությունը տարածության կարևոր բաղադրիչն է: Սա ստեղծում է մթնոլորտ, որը համապատասխանում է մեր տրամադրությանը: Հետեւաբար, ինչպես մնացած ամեն ինչ, լուսավորության համակարգի տեղադրումը պահանջում է կոնկրետ պլանավորում:
Փորձագետ Շելլի Լիթլի խոսքերով, ինտերիերի դիզայնը քննարկելիս լուսավորությունը հաճախ անտեսվում է գույների, լամինատե հատակի և կահույքի օգտին: Մի մոռացեք, որ վատ լուսավորության դեպքում նույնիսկ ամենաշքեղ սենյակը կարող է գրավիչ չթվալ:
Շելլի Լիթլը ինտերիերում ամենամեծ սխալը համարում է առաստաղային լույսերի տեղադրումը և խորհուրդ տալիս, որ եթե ընտրում ենք միայն առաստաղային լուսավորություն, ապա ավելի լավ է այն տեղադրել շերտերով։ «Լուսավորման այս ոճը սենյակը դարձնում է գրավիչ և հարմարավետ»:
Ժյուլ Յապ,- «-Իմացիր, թե ի՞նչն է լուսավորություն տալիս։ Արդյո՞ք դա աշխատավայրն է: Մի գուցե խոհանո՞ցը։ Դիմահարդարման սեղա՞նը, թե՞ հյուրասենյակը։ Տարբեր կարիքներ պահանջում են տարբեր տեսակի լուսավորություն»:
Մարտին Լոուրենս Բուլարդ. «Որտեղ կա լույս, ամեն ինչ փոխվում է. այն բերում է բնավորություն, ինտենսիվություն և հարմարավետություն»:
Նախ մտածեք, թե ինչպիսի լուսավորություն է անհրաժեշտ սենյակում և ինչ եք ուզում ստանալ դրանից։ «Եթե հարմարավետություն եք փնտրում, օգտագործեք ոչ շարժական լամպեր և տեղադրեք դրանք սենյակի տարբեր հատվածներում»,- ասում է Ջեն Սթենբրուկը։
KLC Դիզայնի դպրոցի հիմնադիր և տնօրեն Ջենի Գիբսը կարծում է, որ լուսավորությունը ամենամեծ մարտահրավերն է ինտերիերի դիզայնի բոլոր ասպեկտներում: «Լուսավորությունը կախարդական փայտիկ է, որը կարող է աշխուժացնել տարածությունը, դարձնել այն ավելի լայն, բարձր և պայծառ՝ ստեղծելու հարմարավետության և ջերմության զգացում:
«Ամեն ինչ լուսավորության մասին է»: Toronto Interior Design Group-ի փորձագետ Յանիկ Սիմարդի համար առանց լուսավորության տարածքը իդեալական չէ, այն միջակ է և անկենդան:
Եթե նախատեսում եք սենյակն օգտագործել օրվա տարբեր ժամերին, տարբեր նպատակներով, ըստ Թորիի Ուիլկինսոնի խորհուրդների , դուք պետք է տեղադրեք լամպեր, որոնք հեշտությամբ կարելի է հեռացնել և տեղափոխել ըստ անհրաժեշտության: Սա սենյակին ճկունություն կտա:
Լիարժեք լուսավորությունը զգալիորեն բարելավում է սենյակի տեսողական տեսքը: «Ընտրեք տաք լույս, օգտագործեք փոքր լամպեր՝ հյուրընկալ և ընկերական մթնոլորտ ստեղծելու համար», - Գեյլ Գրին:
«Մի սահմանափակվեք միայն առաստաղային լույսերով և սեղանի լամպերով: Մտածեք, թե լուսավորությամբ ինչպես ստեղծել հետաքրքիր միջավայր, օրինակ՝ մահճակալի տակ, հայելու հետևում, բուխարիից վեր։
Սառա Մայալ - «Եղիր փորձարար»: